Maqedoni - Lajme

Ndër “terroristët fetarë” një floktar

Nga kjo familje bëjnë me dije se Besimi nuk ka pasur asnjëherë kontakt me islamin radikal.

N. A.     ( lexuar 2012 herë )     Shkup 16:51 01.05.2012
Familja Hajdari thotë se Besimi nuk ka pasur asnjëherë kontakt me islamin radikal.

Familja Hajdari thotë se Besimi nuk ka pasur asnjëherë kontakt me islamin radikal.

Policia sot në aksionin Monstra ku morën pjesë rreth 800 policë mes tjerëve ka arrestuar B.H, 24 vjeçar me profesion floktar, i cili dyqanin e tij e ka përballë xhamisë Jahja Pashë të Shkupit. 

Për Portalb njëri prej familjarëve Hajdari deklaroi se “Policia erdhi në ora 4 të mëngjesit dhe pa na pyetur u fut brenda duke na mbajtur mbyllur të gjithëve deri në ora 7 të mëngjesit. As që e dinin se për çfarë arsye hynën brenda me aq shumë policë” tha një anëtar i familjes Hajdari.

Familjarët e tij janë të tmerruar pasi për djalin e tij nuk dinë kurrfarë informate se ku është dhe me çfarë preteksti është arrestuar, ata thanë se mbi shkakun e arrestimit të birit të tyre kanë marrë vesh nga mediat, kinse është i dyshuar për vrasjen e pesëfishtë në Smillkovcë.

Nga kjo familje bëjnë me dije se Besimi nuk ka pasur asnjëherë kontakt me islamin radikal.
“Është djalë i urtë, shikon punën e vete, shkon në xhami për lutje, normal si të gjithë muslimantë, por kurrë nuk ka pasur as shënjën më të vogël të radikalizmit” tregojnë në lot familja e Besimit.

Njëkohësisht gazeta KOHA shkruan se në këtë aksion janë arrestuar dy të moshuar nga 60 vjeç.

/ Portalb

Komento

loading
loading
loading