Mbyllet rruga Shtip Novosellë për shkak të derdhjes së lumit Bregallnica
Për shkak të derdhjes së lumit Bregallnica, në mënyrë parandaluese do të mbyllet komunikacioni në aksin rrugor Shtip Novosellë. Lidhja Automote e Maqedonisë njoftoi se aksi rrugor Mavrovë Dibër te manastiri i Bigorit, i cili ishte tërësisht i ndërprerë për shkak të ortekut të borës, është i kalueshëm në një korsi ndërsa po punohet në pastrimin e tij të plotë. Vozitje e kujdesshme rekomandohet në aksin Koçan Makedonska Kamenica nga fshati Istibanja deri te diga Kalimanc ku për shkak të shembjeve vendevende komunikacioni po zhvillohet në njërën korsi. Për shkak të mbetjeve më të mëdha të borës në aksin Mavrovë Dibër akoma mbetet ndalesa për qarkullimin e automjeteve transportuese ndërsa për automjetet e udhëtarëve rekomandohet përdorimi i pajisjeve dimërore. Hiqen ndalesat për automjetet transportuese në aksin rrugor Tetovë Kodra e Diellit dhe në vendkalimet malore Strazhë, Presekë, Bukovë, Gjavato dhe Barbaras.