Filmi i ri i DiCaprios, vitin e ardhshëm

Filmi i shumëpritur nga dyshja Leonardo DiCaprio dhe regjisori Alejandro Gonzalez Inarritu nuk do të dalë deri vitin tjetër, por padyshim që mezi pritet nga fansat e filmave.

“The Revenant” pritet të jetë suksesi i radhës nga Inarritu pas disa nominimeve për Oscar këtë vit me “Birdman” dhe sipas Entertainment Weekly, ky film do të jetë një nga ekstremet tjera të bërjes së një filmi. Në të luan edhe aktori Tom Hardy.

DiCaprio do të luajë rolin e Hugh Glass, një gjuetar lëkurësh i viteve 1800. Regjirosi Inarritu për aktrimin e Dicaprios është shprehur i mahnitur, transmeton Koha.net.

“Ai është një aktor guximtar dhe i mrekullueshëm. Jam shumë i befasuar për atë se sa i mirë është. Mendoj se ai e kupton njerëzimin në mënyrë të hatashme dhe këtë mund ta shohësh tek sytë e tij”.